Ufgewacht

Schniegleckl bliehn schunt an Vurgartl dort,
tun nouch n lichte drängn,
wolln uns nu s Friehjuhr brengn,
s Friehjuhr ös nemieh weit,
wenn s ou noch moichmoul schneit,
obr de Schniegleckl bliehn,
Wöntr muß giehn.

Schniegleckl totn ban Börnl ou bliehn,
wie ich a Kind noch wor,
bliehtn su wundrbor,
racktn noch dorch n Schnie
ihrn Koup ei de Hieh,
machtn mei Harze fruh,
sog ich n zu.

Schniegleckl dorte und Schniegleckl dou.
Gahn uns de Zuvrsicht,
doß Frost und Kälde bricht,
sohn uns mit ihrn Bliehn:
Olles muß wettr giehn,
zeign ban Friern noch:
S Friehjuhr kömmt doch!

Diskuze