Neujuhrsgruß

Mei Neujuhrsgruß kämmt dosmoul spät an Kostn, 
dos leit ne o dr Post, dos leit o mir. 
Wull hout dr Krause ötz Schworz-Schillings Postn, 
doch för die Panne kure a nöscht drfier.

Nej, s wor uns heur ne zun Neujuhrsfeirn, 
ehrlich gesoht: Es ging uns gor ne gutt
und s wäre ömmr noche Grund zun queirn. 
Doch s gieht barguf. Noch sein mr ne kaputt.

Und s neue Juhr, dos klcjne Wicklkindl,
hilt dos ne uf. Dos zeigt schunt Temprament 
und plärrt und stromplt und-macht ei de Windl. 
Uns stiert dos ne. Mir sein jo Drajk gewennt.

Bale word s gruß und macht noch andre Faxn, 
war weß, wos dos noch olls zuwajge brengt. 
Mir kinn ock zukuckn. Wull sah mr sch wachsn, 
doch wächst s mejst andrschr ols wie mr denkt.

Gcwieß, jeds Juhr dos hout ou sei Gewichte.
Ob schwer, oh lajchte, zähln tut dou vill. 
Ei fuffzich Wochn ös es fost Geschichte.
Dann wössn mr sch, wie s wahn tot. Su Gout will.

Diskuze