Enn Gablunzr zun neun Juhre

An neun Juhre winsch ich dr vill Glöcke,
enn gudn Dochtr, dan de nie ne brauchst,
gelenksche Knochn, doß dr ne s Genöcke
und ou ban Galdzähln nie enn Daum vrstauchst.

Icht winsch dr vill Humor, dar nie vrgiehn tut,
a Steuromt, dos nie a Gald wöll hon,
enn liebn, gudn Freund, dar dich vrstiehn tut,
und Lifferantn, die ne daurnd monn.

De Kindr sölln dr ömmr Frejde machn,
dr Schadl und de Froue solln nie brumm;
ich winsch dr olleweiln enn Grund zun lachn
und kejne Nopprn, die dich ärgrn kumm.

Ich winsch dr ömmr reichlich Zeit zun schloufn,
denn gutt geruht dos hout noch nie geschodt;
doch olle Tage ou enn Wajg zun loufn,
doß dr de Butte ne zu gruß gerott.

Und s Assn soll dr ömmr röchtich schmeckn,
doch stopp de Hiehnl ne drquare nei,
sunstrn bleibt ejs amoul an Schlungse steckn
und dann wär sch mit dr Frejde wull vrbei.

Ou ejs sollst de drbeine ne vrgassn:
Ös word dr Mensch ne ock vu Hiehnln sot,
ou Scholareppl giehn fr dim zun assn,
und moichmoul worscht de fruh, host r gehot.

Und wenn dr sch gutt gieht, dorfst de s ruich zeign,
ock mit dr Protzerei fang ne orscht o:
Su moiche, die sehr gruß eis Auto steign,
hon hindr n Lenkradl n Kuckuck dro.

Und host de wörk1ich Gald zun Puschozöndn
und weßt drmitte gor nöscht ozufangn,
dann worscht de schun enn orm Teifl föndn,
dan de de Kreuzr ne zun Brute langn.

Tut dr de Sunne schann, dann frej dich dribr,
und rahnt s amoul, tu kejne Muntsche ziehn,
und kömmt olls su, wie ich dr sch winsch, mei Liebr,
word dr dos neue Juhr rajcht gutt vrgiehn.

vu Kleinert Heinz

Diskuze

Vstoupit do diskuze