Befreite

Mr labtn
ei Östreichs Kaisrzeit,
dou hon uns de Biehm
vun Kaisr befreit.

Doch mi n Biehm gob s bale
Ärgr und Streit,
dou hout s Grußdeutsche Reich
uns vun Biehm befreit.

Nu komm glei
de Sachsn reigeschneit,
die hon uns
vu Pottr und Koffej befreit.

Drnourn wur s Krieg,
dou wor sch o dr Zeit,
dou hon uns de Alliiertn
vun Reiche befreit.

Nu wo mr wiedr ban Biehm
und die brochtn s su weit,
doß se uns schlißlich
vu olln befreit.

Ei Bayrn drlabt mr
de Nouchkriegszeit,
dos hotte sich grode
vun Preußn befreit.

Nujo, und ei
dr Zwöschnzeit,
dou wurn de Biehm
ou von Russn befreit.

Su lab mr mit olln
Seite o Seite,
und wu de ou hiekuckst,
nöscht wie Befreite.

Denn de Walt ös gruß
und de Walt ös weit,
und mr sitt,
wie ennr n andrn befreit.

S göbt lautr Befreite
ock rejne.
O Freihejt,
die ich mejne!

Heinz Kleinert

Diskuze